هنقدملك وصفة وطريقة عمل صينية البطاطس بالفراخ بطريقة سهلة جدا وبسيطة وتقدري تعمليها بنفسك في البيت في وقت قليل جدا، وجبة مشبعة ومفيدة وخفيفة ومحبوبة جدا من الكبار والصغار
المقادير
- قطعة فرخة مت كويس ومتنضفة كويس ومغسولة بالملح والخل وشاطفاها كويس جدا (كامل)
- 3 قطعة بصلات وسط متين اجنحة
- ملعقة ١ ملح
- ملعقة ١ فلفل اسمر
- ملعقة ١ توم (مفروم)
- ملعقة ١ توابل (التوابل السبعة)
- كوب عصير طماطم متصفي
- ملعقة كبيرة صلصلة طماطم
- ملعقة نص سكر
- 4 قطعة بطاطسات مت طرنشات سميكة
خطوات التحضير
-
1
هنجيب وعاء الخلط هنحط فيه البصل والملح والفلفل والتوم المفروم والتوابل ونفركهم كويس جدا وبعدين نحط الفراخ ونفركها بالتتبيلة دي كويس اوي وبعدين نسيبها ساعة لساعتين علشان تتشبع بالتتبيلة، بعد ما الفراخ تتبل، نجيب بقى طاسة غويطة ونحط فيه الفراخ بالبصل بتاعها كده وعلى نار هادية نضيف عليها الطماطم المفرومة وصلصلة الطماطم ونص معلقة سكر، ونقلب الفراخ مع الصلصلة وهنغطيها ونسيبها على النار لحد ما الفراخ تتسبك مع الطماطم نضيف ليها ماء ساخن ونسيب لحد ما الفراخ تبقى تلتين سوا، نجيب بقى صينية ونحط فيها بطاطس متقطعة طرانشات سميكة ونفرشها في الصينية وبعدين نحط الفراخ فوق البطاطس وبعدين ننزل بالصلصة وممكن نزود شوية ميه مغلية في الاخر وبعدين نغطي الصينية بورق فويل وندخلها الفرن تحت علشان البطاطس تستوي كويس، ونسيبها في الفرن لمدة ربع ساعة او تلت ساعة، بعد كده نشيل الورق الفويل ونحطها تحت الشواية خمس دقايق علشان الفراخ تحمر .. بس كده بقى عندك احلى صينية بطاطس بالفراخ .. بالهنا والشفا