يعتبر طبق الأرز باللحم والزبادي من الأطباق المفضّلة لدى الكثيرين، ويعود أصله إلى المطبخ الخليجيّ حيث امتد إلى باقي مطابخ الوطن العربي، ولعل أهمّ ما يميزه سهولة إعداده وتحضيره، وفي هذا المقال سنتحدّث عن كيفيّة تحضير الأرز باللحم بالزبادي بطريقة متنوعة وشهية .
المقادير
- 5 عدد زبادي (علبة)
- 5 عدد بيضة
- 4 فص عدد ثوم
- 4 ملعقة كبيرة زبدة
- 2 ملعقة كبيرة زعتر مجفف
- 2 كوب ماء
- 1 ملعقة صغيرة فلفل اسود (مطحون)
- 1 ملعقة صغيرة ملح
- 0.75 كوب زيت زيتون
- 0.5 ملعقة صغيرة جوزة الطيب (مبشورة)
- 0.5 كيلو لحم كندوز (مقطع مكعبات)
- 0.5 كوب أرز بسمتى
- 0.33 كوب دقيق
خطوات التحضير
-
1
هنتبل اللحمة بالملح والفلفل ونرش عليها الدقيق.
-
2
فى طاسة على النار هنضيف زيت ولما يسخن هنقلب فيه اللحمة لمدة 5 دقائق.
-
3
هنضيف للحمة معلقة زعتر والثوم ونقلب كويس.
-
4
بعد كده فى حلة على النار هنضيف اللحمة وباقى الزيت اللى حمرناها فيه وهنضيف عليهم الأرز ونقلبه شوية مع الزيت.
-
5
بعد كده هنضيف الماء للحلة و نغطيها ونوطى النار حوالى 15 دقيقة لحد ما الأرز يستوى.
-
6
فى بولة هنخفق الزبادى بمضرب بيض بس المهم لو فيه ماء نصفيه منه الأول.
-
7
هنضيف على الزبادى جوزة الطيب و معلقة زعتر.
-
8
بعد كده هنضيف البيض ونضربه كويس مع الزبادى بمضرب بيض.
-
9
وفى طاسة على النار هنسيح زبدة ونضيف عليها الدقيق بالتدريج مع التقليب السريع علشان ميتكتلش, ولما الخليط يتجانس هنضيفه لخليط الزبادى ونقلب كويس.
-
10
فى طاجن كبير أو صينية فخار هنضيف خليط اللحم بالأرز وعليه خليط الزبادى ويدخل الفرن على درجة حرارة 180 لمدة 40 دقيقة وبكده يبقى جاهز للتقديم.. بالهنا والشفا.