القطايف من اشهر حلويات رمضان هنتعلم ازاى نعملها فى البيت بطريقة سهلة جدا ومميزة من الشيف مروة الشافعى

Ingredients

Preparation

  • 1

    فى الاول هنعمل الشربات عشان المفروض يكون ساقع لما يتحط على القطايف

  • 2

    فى حلة على النار هنضيف السكر والماء ونسيبهم لحد ما يغلوا

  • 3

    هنضيفلهم معلقة صغيرة فانيليا وعصير نص ليمونة

  • 4

    هنسيبه يبرد خالص وبعدين نشيله فى التلاجة

  • 5

    ?

  • 6

    عشان نعمل القطايف هنحتاج خلاط ونضيف فيه كوبايتين الماء وعليهم السكر والخميرة واللبن البودرة ورشة الملح وكوبايتين الدقيق

  • 7

    هنضرب كل ده كويس جدا فى الخلاط  وهنلاحظ ان قوام العجينة سايل شبه عجينة الكريب

  • 8

    هنسيب الخليط فى بولة ونغطيه ساعة تقريبا لحد ما يخمر

  • 9

    فى طاسة تيفال على النار هنبدأ ننزل بكبشة صغيرة من عجينة القطايف

  • 10

    هتبدأ تظهر فقاقيع على الوش، اول ما يختفى شكل العجين يبقي كده استوت ونقدر نشيلها

  • 11

    هنحشي القطايف مكسرات وزبيب وجوز هند

  • 12

    هنحمرها واول ما تطلع هنصفيها من الزيت وننزلها فى الشربات الساقع

  • 13

    هنشيلها من الشربات على طول ونصفيها عشان تفضل مقرمشة

  • 14

    ممكن نشكل قطايف على شكل قرطاس ولما تتحمر وتنزل فى الشربات وتتصفى نحشيها بالكريم شانتيه او الشوكولاتة القابلة للدهن او بالقشطة والمكسرات