طريقة عمل قلب ستيك

قلب ستيك وصفة لذيذة جدا وسهلة، أكلة خفيفة خالية من الذهنيات تلائم الأشخاص الذين يتبعون حمية.

Ingredients

• 1 ملعقة صغيرة قرفة (او واحده قرفه عود)
• 1 كوب خل
• 1 ملعقة صغيرة فلفل اسود (مطحون)
• 1 ملعقة صغيرة سكر
• 1 عدد قلب بقري (يفضل طازة ماتجمدش)
• 1 ملعقة كبيرة زيت ذرة
• 1 ملعقة صغيرة ملح خشن

Preparation

• 1

  قطع القلب بسكينه حاميه شرايح سميكه على حوالى 5 قطع

• 2

  جيب طبق غويط و حط الشرايح فيه و خرمهم بالسكينه و حط عليهم الملح و الفلفل و الخل , و سيبهم منقوعين من ساعة لساعتين.

• 3

  هتلاقي الطبقه الخارجية بدأت لونها يبقي ابيض شويه. كده تمام شيله من الخل.

• 4

  حط الطاسه على نار عاليه لحد ماتسخن جدا و بعدين ضيف الزيت

• 5

  استني نص دقيقه و حط الشرايح بحذر. هتعمل صوت جامد. تمام كده صح

• 6

  اقلبهم عالناحيه التانيه و النار لسه عاليه بعد دقيقه. و حط القرفه و السكر

• 7

  حركه فى الطاسه بشوكه لحد ماياخد لون حلو مع السكر دقيقتين او 3 كمان

• 8

  وطى النار خالص و غطيهم و بعد 5 دقايق اقلبهم الناحيه التانيه و سيبهم 5 دقايق كمان

• 9

  على النار خليها متوسطه و شيل الغطا لحد ما الماء يتبخر وشوح شرائح اللحم شوية.. كده تمام