من اجمل واشهر الاكلات المصرية الملوخية الخضراء، غنية بالفيتامينات ومفيدة للجسم ومذاقها رائع، وتعتبر الملوخية الخضراء من اشهر الاكلات المصرية، جبنالك طريقة عملها باسلوب سهل وسريع، ومش بتاخد وقت في التحضير.

Ingredients

Preparation

  • 1

    طبعا اول حاجة نقطف الملوخية ونغسلها كويس جدا جدا، ونصفيها من الميه كويس، وبعدين نخرط الملوخية بالمخرطة او في الكبة الكهربائية، ولكن طبعا بنفضل المخرطة العادية لأنها بتخلي الملوخية مش مفرومة ولا ناعمة وبالتالي بتبقى طعمها ألذ بكتير من استخدام الكبة او المفرمة الكهربا، لأنها بتنعم الملوخية جدا وتخلي قوامها مش مثالي، على العموم لو استخدمته الكبة او المفرمة الكهربا حاولي ما تحطيهاش وقت طويل علشان متنعمش اوي وتفضل محتفظة بخشونتها بنسبة ما.

  • 2

    نضع شوربة الفراخ في حلة صغيرة حتى بدء الغليان، بعدها نضيف ملعقة صغيرة من التوم المفروم وملعقة صغيرة من الكسبرة الناشفة ومرقة الدجاج، ونسيبها تغلي شوية على النار الهادية، بعدها ننزل الملوخية شوية شوية ونقلب الشوربة مع الملوخية كويس جدا جدا وبشكل سريع علشان الملوخية متكلكعش، بمجرد ما تبدأ الملوخية تغلي نقلبها وبعدين نطفي النار عليها، ونبدأ نجهز الطشه بتاعة الملوخية، هنجيب طاسه صغيرة ونحط فيها معلقتين او تلاته سمن بلدي وبعدين ننزل بمعلقتين توم مفروم ونقلب لحد ما ياخد لو ذهبي خفيف، نضيف ملعقة كسبرة ناشفة ونقلب كويس، نرفعها من على النار وننزل بيها على الملوخية وناخد بالمغرفة كده نحطها في طاسة الطشه ونرجها وننزل بيها تاني على الملوخية، ونقدر نقولك بألف هنا اجمل ملوخية مصرية باسهل طريقة.

That's it for this week's blog post! We hope you enjoyed learning about how to make green mallow. If you have any questions or comments, please feel free to leave them below. And be sure to check back next week for another delicious recipe!