السينابون من المعجنات المميزة جدا والناس بتدفع فيه فلوس كتير عشان تشتريه، شيف مروة الشافعى هتقولنا طريقته بمنتهي البساطة عشان نعمله فى البيت وتنافسي بيه السينابون الجاهز

Ingredients

Preparation

  • 1

    فى بولة همضيف اللبن الدافى والسكر والخميرة ونسيبهم 10 دقايق يخمروا

  • 2

    بعد التخمير هنضيف الزبدة والبيضة والفانيليا ونقلبهم كويس

  • 3

    هنضيف الدقيق المنخول ورشة الملح ونبدأ نعجن

  • 4

    العجينة هتكون بتلزق زوردي دقيق بسيط لحد ما تتماسك ولكن تفضل لينة

  • 5

    هنغطى العجينة ببلاستيك ونسيبها تخمر على الاقل نص ساعة

  • 6

    هنفرد العجينة بعد ما خمرت على الرخامة بشكل مستطيل

  • 7

    هندهن العجينة بزبدة طرية لحد ما تغطى العجينة بالكامل

  • 8

    نجهز الحشوة السكر البنى والقرفة والكاكاو الخام ونوزعهم على العجينة ونضغط بايدينا كويس

  • 9

    نلف العجينة رول ونبدا بتقسيمها

  • 10

    فى قالب بيركس مدهون زبدة نضع قطع السينابون ونسيبها تخمر تانى

  • 11

    اثناء التخمير هنجهز التوبنج السكر البودرة والزبدة والجبنة ورشة الملح ونبدأ نضيف اللبن بالتدريج لحد ما يبقي القوام كريمي

  • 12

    فى فرن سخن على حرارة 200 هندخل السينابون وبعد ربع ساعة هنطلعه ونضيف عليه كريمة خفق حلويات ندخل السينابون الفرن تانى ربع ساعة

  • 13

    اول ما يطلع من الفرن نضيف عليه خليط الجبنة وعين جمل على الوش

  • 14

    نقدمه سخن وبالهنا