مكرونة خاصة جدا من المطبخ البدوي المصري.. معروفة عند البدو بأسم المكرونة المبكبكة أو المكرونة الجارية. اليك طريقة عمل مكرونة باللحم الضاني جديدة وسهلة ومشبعة بقطع كبيرة من اللحم الضاني الصحراوي
Ingredients
- 100 جم دهن ضانى (ليّه مقطعة قطع صغيرة)
- 6 عدد طماطم (حمراء كبيرة مقطعة مكعبات)
- 4 ملعقة كبيرة زيت ذرة
- 2 عدد بصلة (كبيرة مقطعة مكعبات)
- 2 قرن عدد فلفل حامى (مقطع شرائح)
- 1 ملعقة كبيرة صلصة طماطم
- 1 ملعقة كبيرة ملح
- 1 ملعقة كبيرة فلفل اسود (مطحون)
- 1 عدد ليمونة (معصورة)
- 1 كيلو لحمة ضانى (قطع كبيرة)
- 0.5 كيلو مكرونة سباجتى
Preparation
-
1
فى حلة كبيرة على النار هنضيف الزيت والدهن الضانى ونقلبهم كويس لمدة 3 دقائق.
-
2
هنضيف قطع اللحمة ونقلب كويس لمدة 5 دقائق.
-
3
هنضيف البصل ونقلب كويس لحد ما يحمر.
-
4
هنضيف شرائح الفلفل الحامى ونقلب كويس.
-
5
هنضيف مكعبات الطماطم ونقلب كويس لحد ما تغلى ونسيبها 3 دقائق.
-
6
هنضيف الملح والفلفل ونملى نصف الحلة بالماء ونغطى عليها ونسيبها تغلى نصف ساعة.
-
7
هنغرس سكينة فى اللحمة لو دخلت بسهولة يبقى اللحمة استوت, لو لسه هنسيبها كمان 10 دقائق ونزود ماء لو المية خلصت.
-
8
بعد ما اللحمة تستوى هنزود لتر ماء ونضيف عصير الليمونة.
-
9
أول ما المية تغلى تانى هنكسر المكرونة 4 أجزاء ونضيفها فى الحلة.
-
10
هنوطى النار ونحط صفيحة تحت الحلة ونسيبها نصف ساعة بس هنقلبها من وقت للتانى.
-
11
هنغرف المكرونة فى طبق كبير وهنشيل منها اللحمة ونحطها على الوش وبالهنا والشفا.