طريقة عمل تارت الليمون

التارت من الحلويات الخفيفة التي يفضلها الجميع.وتقدم بالعديد من الحشوات حسب الرغبة .فما رأيكم بالتعرف على كيفية تحضير تارت الليمون والإستمتاع بمذاقه.

المقادير

• 5 ملعقة كبيرة زبدة (سائلة)
• 4 عدد ليمونة (مقطع شرائح)
• 3 عدد صفار بيضة
• 1.25 كوب بسكوت (مفتت)
• 1 عدد حليب مكثف (علبة)
• 1 ملعقة كبيرة جبنة كيرى
• 1 كوب كريمة مخفوقة (للتزيين)
• 0.5 كوب عصير ليمون

خطوات التحضير

• 1

  هنقلب الزبدة مع البسكوت كويس جدا لحد ما الخليط يتجانس و هنعمل بيه طبقة فى قالب تشيز كيك متوسط الحجم تغطى القاع والجوانب ونضغطه كويس.

• 2

  هندخل القالب الفرن على درجة حرارة 180 لمدة 10 دقائق وبعدين يطلع ونسيبه يبرد تماما.

• 3

  فى بولة هنضرب صفار البيض والحليب المكثف و عصير الليمون ومعلقة الجبنة كويس جدا لحد ما يتجانسوا تماما.

• 4

  هنصب الخليط فوق طبقة البسكوت ويدخل الفرن لمدة 30 دقيقة ولما يبرد هنزين الوجه بالكريمة وشرائح الليمون ويقدم.. بالهنا والشفا.