طريقة عمل خبز النان الهندى بالثوم

من أبرز أنواع المخبوزات التي تستهلك بشكل أكثر على مستوى العالم هو خبز النان الهندي بالثوم ،فهو يحتوي على الثوم التي تقوي المناعة .إليكم الوصفة

المقادير

• 4 كوب دقيق (أبيض)
• 3 فص عدد ثوم (مفروم)
• 2 ملعقة كبيرة خميرة (فورية)
• 2 ملعقة صغيرة سكر
• 1.5 كوب ماء (دافى)
• 1 ملعقة صغيرة ملح
• 1 ملعقة صغيرة فلفل اسود (مطحون)
• 0.33 كوب زبادي
• 0.25 كوب زبدة

خطوات التحضير

• 1

  هنضيف السكر للماء ونقلبه كويس وبعدين هنضيف الخميرة ونقلبها كويس وبعدين هنغطى الماء ونسيبه على جنب يخمر.

• 2

  فى بولة كبيرة هنضيف الدقيق وعليه الملح ونقلب كويس.

• 3

  هنضيف الزبادى على الدقيق ونخلطه كويس (يفضل استخدام خلاط يدوى)

• 4

  أثناء الخلط هنضيف الخميرة شوية شوية لحد ما قوام العجين يتماسك (مش شرط نستعمل كل كمية الماء والخميرة)

• 5

  هنسيح الزبدة ونضيفها على العجين ونستمر بالعجن كويس.

• 6

  هنضيف الثوم المفروم أو البودرة للعجين ونعجنه تانى كويس جدا.

• 7

  هنقسم العجينة لكرات متوسطة الحجم ونغطيها ونسيبها على جنب لمدة نصف ساعة علشان تخمر.

• 8

  بعد ما تخمر كرات العجين هنفردها على شكل دائرى بالنشابة لحد ما تبقى رقيقة ونراعى اننا نرش دقيق على الرخامة والعجين واحنا بنفرده.

• 9

  على نار متوسطة هنجيب صاجة وبعد ما تسخن هنبدأ نسوى عليها العجين المفرود لمدة دقيقة وبعدين نقلب العجين وندهن الوش بزبدة سايحة وبعد دقيقة نقلب تانى وندهن الوش التانى بزبدة سايحة وبعد دقيقة نقلب كمان مرة وبكده يبقى الرغيف استوى.

• 10

  هنرفع الخبز من على النار ونفصل بين الأرغفة بورق زبدة وبالهنا والشفا.