طريقة عمل أحلى بيتزا بالجمبري

طريقة عمل أحلى بيتزا بالجمبري بكل سهولة ليكفي 2 فرد وبمكونات بسيطة ،طعمها رائع ومذاقها لا يقاوم ، ولابد ان كل من قام بزيارة الشام قد تذوقها و ووقع في حب ذلك طبق الشهي ، طريقة تحضير أحلى بيتزا بالجمبري سهل مع بعض الاتقان، واليكم طريقة تحضيرها .

المقادير

• 4 كوب   دقيق
• 3 فص  عدد ثوم
• 2 كوب   ماء (دافى)
• 2 ملعقة صغيرة   خميرة
• 2 كيس   جبنة موزريلا
• 2 ملعقة كبيرة   سكر
• 2  فلفل أخضر (حلو)
• 1 رشّة   ملح
• 1 كيلو   جمبرى (مقشر)
• 1 حزمة   زعتر
• 1 كيلو   طماطم
• 1 ملعقة كبيرة   زبدة
• 1 ملعقة كبيرة   زيت ذرة
• 1 ملعقة كبيرة   عسل نحل
• 1 ملعقة صغيرة   ملح
• رشّة فلفل اسود (مطحون)

خطوات التحضير

• 1

  هندفى الفرن لمدة 10 دقايق و نقفله.

• 2

  هنجيب طبق غويط و نحط فيه الخميرة و العسل و نص كوب ماء دافى و نقلبهم و نغطيهم و نسبهم فى الفرن الدافى من 20 دقيقة لساعة.

• 3

  هنجيب طبق و نحط فيه الدقيق و السكر و نص معلقة ملح و الخميرة و نعجنهم و نزود ميا دافيه شوية شوية لحد ماتبقي العجينه ماسكه كويس. ممكن نحطها فى العجانه تلت ساعة او نعجنها بايدنا اكتر وقت ممكن.

• 4

  و بعدين نغطيها و نسبها فى الفرن الدافى نصف ساعة.

• 5

  هنقطع الفلفل الأخضر بالسكينه الحامية شرايح رفيعه جدا .

• 6

  هنجيب الطماطم و نقشرها و نقطعها صغير . و هنشيل ورق الزعتر من الأعواد.

• 7

  بعدين نجيب طاسه و نحط فيها معلقة الزيت و رشة ملح و رشة فلفل أسود و الطماطم و معلقة كبيرة من الزعتر. و نسبها على نار هاديه تلت ساعة.

• 8

  هنطلع العجينه من الفرن و نسخنه على درجة حرارة عالية. و نتأكد ان الشبكة فى النص أو أقرب للجزء السفلى من الفرن.

• 9

  هنطلع العجينه من الطبق و نفردها فى الصاج.لحد ماتبقى متساوية. الفرد لو صعب و بتشد معاك و ترجع صغيرة تانى ده دليل انها معجونه كويس. افردها ماتستسلمش.

• 10

  هنفرم فصوص الثوم ناعم و نحط الزبده فى الطاسة و معاها الثوم و رشة صغيرا ملح. اول مالزبده تسيح هنطفى عليها و نفردها على العجينه.

• 11

  هنحط الجمبري على العجينة و بعدين نرش الصلصة عليها.

• 12

  هنضيف الفلفل و بعدين الجبن الموتزاريلا المبشورة و نرش فوق معلقة كبيرة زعتر

• 13

  هنحطها فى الفرن نص ساعة و نتأكد ان وشها أحمر, وبكده تبقى جاهزة للتقديم.

• 14

  ممكن نزود إضافات زى طماطم ناشفة, فلفل ألوان. بصل. زيتون أخضر. مشروم فريش. تكون متقطعه رفيع و تضاف مع اضافة الفلفل. و ممكن نبدل الزعتر الفريش بناشف أو نعناع أخضر و زيت زيتون. ممكن نخليها سبايسي بشطه حمرا على الصلصة او هوت صوص.

• 15

  وبصحة وهنا.