طريقة عمل مكرونة بكرات اللحم

العديد منا يعشق المعكرونة ويجدون أنها الحل الأمثل في العزائم المفاجئة حيث لاتحتاج إلى وقت كثير وتعد بالعديد من الطرق .وهناك من يتطلع دائما على أي طريقة جديدة لتحضيرها ليستمتعوا بطعم مختلف ولذيذ ولذلك فإننا قد قمنا بالبحث عن أفضل وألذ طرق تحضير المكرونة ووجدنا وصفة غاية في اللذة وهي طريقة عمل المعكرونة مع كرات اللحم بطريقة سهلة ومتاحة وذات طعم شهي جدا في نفس الوقت. فتعلموا معنا عمل المكرونة مع كرات اللحم

المقادير

• 150 جم صلصة طماطم (لعمل الصوص)
• 5 فص عدد ثوم مهروس (لعمل الصوص)
• 5 عدد طماطم (مقطعة و مقشرة لعمل الصوص)
• 2 ملعقة صغيرة ملح (لعمل الصوص)
• 1 عدد بيضة (مخفوقة)
• 1 ملعقة كبيرة بقدونس طازج (مفروم)
• 1 عدد ورق لورا
• 1 كوب بقسماط (مطحون)
• 1 كيلو مكرونة سباجتى
• 1 ملعقة كبيرة جبنة بارميزان (او شيدر)
• 1 ملعقة صغيرة ريحان (لعمل الصوص)
• 1 ملعقة صغيرة سكر
• 0.5 ملعقة صغيرة فلفل اسود مطحون (لعمل الصوص)
• 0.5 كيلو لحمة (مفروم)
• 0.33 كوب بصل (مقطع لعمل الصوص)
• 0.25 كوب زيت زيتون (لعمل الصوص)
• 0.25 ملعقة صغيرة فص ثوم (مهروس)
• 0.25 ملعقة صغيرة فلفل اسود (مطحون)

خطوات التحضير

• 1

  فى بولة هنضيف اللحمة المفرومة والبقسماط والبقدونس والفلفل الأسود والثوم والبيض ونخلطهم كويس ونعجنهم مع بعض.

• 2

  هنشكل اللحمة على شكل كرات متوسطة (تكفى الكمية لعمل حوالى 12 قطعة) ونغطيها وتدخل الثلاجة لحد ما الصوص يجهز.

• 3

  فى طاسة غويطة على نار متوسطة هنسخن زيت الزيتون ونضيف البصل والثوم ونقلبهم كويس حوالى دقيقتين وبعد كده هنضيف مكعبات الطماطم، الملح، السكر، ورق اللورا، وهنغطى الطاسة ونسيبها على نار هادية مع التقليب من حين لآخر لحد ما الصوص يتقل.

• 4

  هنضيف صلصة الطماطم وكرات اللحم والريحان والفلفل الأسود للصوص مع التقليب برفق وهنغطى الحلة وتترك على نار هادية حوالى 30 دقيقة لحد ما اللحمة تستوى كويس.

• 5

  هنسلق المكرونة في الماء المغلي بعد إضافة القليل من الملح والزيت، وتوضع في طبق التقديم ويضاف إليها الصوص الايطالي بكرات اللحم وهنزين الوجه بقليل من البقدونس.. بالهنا والشفا.